ಚಿನ್ನಾಭರಣ ಪ್ರಿಯರಿಗೆ ಗುಡ್‌ನ್ಯೂಸ್: ಇಳಿದ ಚಿನ್ನದ ಬೆಲೆ-ಬೆಳ್ಳಿ ಬೆಲೆ ತಟಸ್ಥ

ಕಳೆದ ಮೂರ್ನಾಲ್ಕು ದಿನಗಳಿಂದ ಏರಿಕೆ ದಾಖಲಿಸಿದ ಚಿನ್ನದ ಬೆಲೆ ಇಂದು ಇಳಿಕೆಯ ಹಾದಿ ಹಿಡಿದಿದೆ. ಬೆಳ್ಳಿ ಬೆಲೆ ಏರಿಕೆಯೂ ಆಗದೆ, ಇಳಿಕೆಯೂ ಆಗದೆ, ನಿನ್ನೆಯ ಬೆಲೆಯಲ್ಲೇ ಮುಂದುವರಿದಿದ್ದು, 3 ಲಕ್ಷದ ಆಸುಪಾಸಲ್ಲಿದೆ.

ಬೆಂಗಳೂರು: ಚಿನ್ನದ ದರದಲ್ಲಿ ಸತತ ಏರಿಕೆಯ ಬಳಿಕ ಇಂದು ಕೊಂಚ ಇಳಿಕೆ ದಾಖಲಿಸಿದೆ. ಬೆಳ್ಳಿ ಬೆಲೆ ಮಾತ್ರ ತಟಸ್ಥವಾಗಿದೆ. ಮಾರುಕಟ್ಟೆ ಸಕಾರಾತ್ಮಕವಾಗಿದ್ದು ಚಿನ್ನದ ಬೆಲೆ ಮತ್ತೆ ಹೆಚ್ಚಳ ಆಗುವ ಸಾಧ್ಯತೆ ಇದೆ.

ಶುದ್ಧ ಚಿನ್ನದ ಇಂದಿನ ದರ ಎಷ್ಟಿದೆ?
ಫೆಬ್ರವರಿ 11 2026, ಬುಧವಾರದಂದು ಮಾರುಕಟ್ಟೆಗಳಲ್ಲಿ 24 ಕ್ಯಾರೆಟ್ ಚಿನ್ನದ ಬೆಲೆಯಲ್ಲಿ ಕೊಂಚ ಇಳಿಕೆ ಕಂಡಿದೆ. 24 ಕ್ಯಾರೆಟ್‌ನ 1 ಗ್ರಾಂ ಬೆಲೆ 27 ರೂ ಇಳಿಕೆಯಾಗಿ, 15,851 ರೂ ದಾಖಲಾಗಿದೆ. 10 ಗ್ರಾಂ ಬೆಲೆಯಲ್ಲಿ 270 ರೂ ಇಳಿಕೆ ಆಗಿದ್ದು, 10 ಗ್ರಾಂ ಬೆಲೆ 1,58,510 ರೂಪಾಯಿ ಆಗಿದೆ.

22 ಕ್ಯಾರೆಟ್ ಚಿನ್ನದ ಬೆಲೆ
22 ಕ್ಯಾರೆಟ್ 1 ಗ್ರಾಂ ಬೆಲೆಯಲ್ಲಿ 25 ರೂ ಕಡಿತವಾಗಿ 14,530 ರೂ ದಾಖಲಾಗಿದೆ. 10 ಗ್ರಾಂನಲ್ಲಿ 250 ರೂ ಇಳಿದಿದ್ದು, 1,45,300 ರೂಪಾಯಿಗೆ ಇಳಿಕೆಯಾಗಿದೆ.

ಬೆಂಗಳೂರಿನ ಚಿನ್ನ-ಬೆಳ್ಳಿ ದರ ಎಷ್ಟಿದೆ?
ಬೆಂಗಳೂರಲ್ಲಿ 1 ಗ್ರಾಂ 24 ಕ್ಯಾರೆಟ್ ಚಿನ್ನದ ಬೆಲೆ 15851 ರೂಪಾಯಿ ಇದ್ದು, 10 ಗ್ರಾಂ ಶುದ್ಧ ಚಿನ್ನಕ್ಕೆ 1,58,510 ರೂಪಾಯಿ ಇದೆ. ಈ ಬೆಲೆಯಲ್ಲಿ ಜಿಎಸ್‌ಟಿ ಸೇರಿಲ್ಲ, ಹೀಗಾಗಿ ಮಳಿಗೆಗಳಲ್ಲಿ ವ್ಯತ್ಯಾಸ ಇರಲಿದೆ.

ಬೆಳ್ಳಿ ಬೆಲೆ ತಟಸ್ಥ
ಬೆಳ್ಳಿ ಬೆಲೆ ಇಂದು ತಟಸ್ಥವಾಗಿದೆ. ಕೆಜಿಗೆ 2,90,000 ರೂಪಾಯಿ ಇದೆ,.

ಫೆಬ್ರವರಿ ತಿಂಗಳ ಬೆಲೆ ಏರಿಳಿತ
ಚಿನ್ನದ ಬೆಲೆ ಫೆಬ್ರವರೊ 7 ರಿಂದ ಏರಿಕೆ ಹಾದಿ ಹಿಡಿದಿತ್ತು. 15,371 ಕ್ಕೆ ಇಳಿದಿದ್ದ ಬೆಲೆ ಈಗ 15,851 ಕ್ಕೆ ಏರಿಕೆ ಆಗಿದೆ. ಫೆಬ್ರವರಿ 1 ರಂದು 16,058 ರೂ ಇದ್ದ ಬೆಲೆಯಲ್ಲಿ ಫೆ.9 ರಂದು 15884 ರೂ ಆಗಿದೆ. ಈ ತಿಂಗಳ ಕನಿಷ್ಟ ಬೆಲೆ ಫೆ.2 ಕ್ಕೆ 15,317 ರೂ ದಾಖಲಾಗಿತ್ತು. ಗರಿಷ್ಠ ಬೆಲೆ 16,058 ರೂ ದಾಖಲಾಗಿತ್ತು. ಸದ್ಯದ ಬೆಲೆಯ ಟ್ರೆಂಡ್ ಇಳಿಕೆಯ ಹಾದಿಯಲ್ಲಿದ್ದು 2.49% ನಷ್ಟಿದೆ.

ಪ್ರಸ್ತುತ ಚಿನ್ನದ ಬೆಲೆ ಈ ಹಿಂದೆ ದಾಖಲಿಸಿದ್ದ ಗರಿಷ್ಠ ಮೊತ್ತ 1.78 ಲಕ್ಷ ರೂಗಿಂತ ಸುಮಾರು 11% ಕಡಿಮೆಯಿದೆ. ಬೆಳ್ಳಿ ಬೆಲೆ ಶೇ 50 ರಷ್ಟು ಕಡಿತ ಆಗಿದೆ. ಜನವರಿ ಅಂತ್ಯಕ್ಕೆ ಭಾರಿ ಏರಿಕೆಯಾಗಿದ್ದ ಚಿನ್ನದ ಬೆಲೆಯಲ್ಲಿ ನಂತರ ಇಳಿಕೆಯಾಗಲು ಶುರುವಾಗಿತ್ತು.