Jewelry: ಜೋಧಾ ಅಕ್ಬರ್‌’ ಚಿತ್ರದಲ್ಲಿ ಬಳಸಿದ ಆಭರಣಗಳ ಸೆಕ್ಯೂರಿಟಿಗೆ 5 ಗಾರ್ಡ್‌ಗಳನ್ನ ನೇಮಿಸಿದ್ರಂತೆ! ಯಾಕೆ ಗೊತ್ತಾ?

ನಾಲ್ಕು ಬಾರಿ ರಾಷ್ಟ್ರೀಯ ಪ್ರಶಸ್ತಿ ವಿಜೇತ ಕಾಸ್ಟ್ಯೂಮ್ ಡಿಸೈನರ್ ಆದ ನೀತಾ ಲುಲ್ಲಾ ಈ ಚಲನಚಿತ್ರದ ಯಶಸ್ಸಿನಲ್ಲಿ ತುಂಬಾನೇ ಮುಖ್ಯವಾದ ಪಾತ್ರವನ್ನು ವಹಿಸಿದ್ದಾರೆ.

ಅಶುತೋಷ್ ಗೋವಾರಿಕರ್ (Ashutosh Gowariker) ಅವರ 2008 ರ ಚಲನಚಿತ್ರ (Movie) ‘ಜೋಧಾ ಅಕ್ಬರ್’ (Jodha Akbar) ಚಿತ್ರ ತನ್ನ ಪೌರಾಣಿಕ ಕಥೆಗಷ್ಟೆ ಅಲ್ಲದೆ, ಅದರಲ್ಲಿ ನಟಿಸಿದ ನಟ ಹೃತಿಕ್ ರೋಷನ್ (Hrithik Roshan) ಮತ್ತು ನಟಿ ಐಶ್ವರ್ಯ ರೈ (Aishwarya Rai) ಅವರು ಧರಿಸಿದ್ದ ರಿಚ್ ಕಾಸ್ಟ್ಯೂಮ್ ಮತ್ತು ವೈಭವದಿಂದ ಕೂಡಿದ ಆಭರಣಗಳಿಂದಾಗಿಯೂ ನೆನಪಿನಲ್ಲಿ ಉಳಿದಿರುವ ಚಿತ್ರ ಅಂತ ಹೇಳಬಹುದು. ಈ ಪೌರಾಣಿಕ ಚಿತ್ರದಲ್ಲಿ 16ನೇ ಶತಮಾನದ ಮೊಘಲ್ ರಾಜವಂಶದ ರಾಜರ ಇತಿಹಾಸದ ಕಥೆಯನ್ನು ತುಂಬಾನೇ ವೈಭವಯುತವಾಗಿ ಚಿತ್ರೀಕರಿಸಿದ್ದಾರೆ.

ಐಶ್ವರ್ಯಾ ರೈ ಬಚ್ಚನ್ ಮತ್ತು ಹೃತಿಕ್ ರೋಷನ್ ಅವರ ಅಭಿನಯದಲ್ಲಿ ಮೂಡಿ ಬಂದ ಈ ಚಿತ್ರವು ಇಂದು 18 ವರ್ಷಗಳನ್ನು ಪೂರೈಸುತ್ತದೆ. ಆ ಚಿತ್ರೀಕರಣದ ಸಂದರ್ಭದಲ್ಲಿ ನಿರ್ಮಿಸಲಾದ ರಾಜಮನೆತನದ ಸೆಟ್‌ಗಳು ಮತ್ತು ಆ ಚಿತ್ರದಲ್ಲಿ ಬಳಸಲಾದ ರಾಜ ಉಡುಗೆ ತೊಡುಗೆಗಳು ಮತ್ತು ವೈಭವಯುತವಾದ ಒಡವೆಗಳು ಇಂದಿಗೂ ಸಹ ಅಷ್ಟೇ ಜನಪ್ರಿಯವಾಗಿವೆ. ಇದೆಲ್ಲದಕ್ಕೂ ಮೀರಿ ಸಂಗೀತ ನಿರ್ದೇಶಕರಾದ ಎ ಆರ್ ರೆಹಮಾನ್ ಅವರ ಮಧುರ ಸಂಗೀತ ಈ ಚಿತ್ರಕ್ಕೆ ವಿಶಿಷ್ಟವಾದ ಮೆರುಗನ್ನು ತಂದುಕೊಟ್ಟಿತ್ತು.

ಈ ಚಿತ್ರದ ಕಾಸ್ಟ್ಯೂಮ್ ಡಿಸೈನರ್ ಆಗಿ ಕೆಲಸ ಮಾಡಿದ್ದ ನೀತಾ

ನಾಲ್ಕು ಬಾರಿ ರಾಷ್ಟ್ರೀಯ ಪ್ರಶಸ್ತಿ ವಿಜೇತ ಕಾಸ್ಟ್ಯೂಮ್ ಡಿಸೈನರ್ ಆದ ನೀತಾ ಲುಲ್ಲಾ ಈ ಚಲನಚಿತ್ರದ ಯಶಸ್ಸಿನಲ್ಲಿ ತುಂಬಾನೇ ಮುಖ್ಯವಾದ ಪಾತ್ರವನ್ನು ವಹಿಸಿದ್ದಾರೆ. ನಾಲ್ಕು ದಶಕಗಳಿಗೂ ಹೆಚ್ಚು ಕಾಲದ ವೃತ್ತಿಜೀವನದೊಂದಿಗೆ, ಭಾರತೀಯ ಕಾಸ್ಟ್ಯೂಮ್ ಡಿಸೈನರ್ ಈ ಚಿತ್ರದಲ್ಲಿ ಬಳಸಲಾಗುವ ವಸ್ತ್ರಗಳ ವಿನ್ಯಾಸದ ಬಗ್ಗೆ ತುಂಬಾನೇ ಆಳವಾದ ಸಂಶೋಧನೆಯನ್ನ ಮಾಡಿದ್ರಂತೆ.