ಇನ್ಮುಂದೆ ಮಹಿಳೆಯರು ಆಧಾರ್ ತೋರಿಸಿದ್ರೆ ಬಸ್​​ನಲ್ಲಿ ಸಿಗಲ್ವಾ ಫ್ರೀ ಟಿಕೆಟ್?

ಬೆಂಗಳೂರು: ಕಾಂಗ್ರೆಸ್ ಪಕ್ಷ ನೀಡಿದ್ದ 5 ಗ್ಯಾರಂಟಿಗಳಲ್ಲಿ ಒಂದಾದ ಶಕ್ತಿ ಯೋಜನೆಯಡಿ ಸರ್ಕಾರಿ ಬಸ್‌ಗಳಲ್ಲಿ ರಾಜ್ಯಾದ್ಯಂತ ಮಹಿಳೆಯರಿಗೆ ಉಚಿತ ಪ್ರಯಾಣದ ಭಾಗ್ಯ ನೀಡಿದೆ. ಈ ಯೋಜನೆ ಜಾರಿ ಆದ್ಮೇಲಂತೂ ಸಾರಿಗೆ ಬಸ್​ಗಳು ಮಹಿಳೆಯರಿಂದಲೇ ತುಂಬಿ ತುಳುಕುತ್ತಿದೆ. ಬಸ್ ಫ್ರೀ ಅಂತ ಮಹಿಳೆಯರು ಗುಂಪು ಗುಂಪಾಗಿ ಆಧಾರ್ ಕಾರ್ಡ್​ ಹಿಡಿದು ಸರ್ಕಾರಿ ಬಸ್​ ಹತ್ತುತ್ತಿದ್ರು.  ಇನ್ಮುಂದೆ ಸಾರಿಗೆ ಬಸ್ ಹತ್ತುವ ಮಹಿಳೆಯರು ಆಧಾರ್ ಕಾರ್ಡ್​ ತೋರಿಸಿದ್ರೆ ಟಿಕೆಟ್ ಕೊಡಲ್ವಾ ಕಂಡೆಕ್ಟರ್​? ಮಹಿಳೆಯರು ಉಚಿತ ಪ್ರಯಾಣಕ್ಕೆ ಅನುಕೂಲವಾಗುವಂತೆ ಆಧಾರ್​ ಕಾರ್ಡ್​ ಬದಲಿಗೆ ಸ್ಮಾರ್ಟ್​ ಕಾರ್ಡ್​​ ವಿತರಿಸಲು ಸರ್ಕಾರ ಮುಂದಾಗಿದೆ. ನಿನ್ನೆ ಸಿಎಂ ಸಿದ್ದರಾಮಯ್ಯ ನೇತೃತ್ವದಲ್ಲಿ ನಡೆದ ಸಚಿವ ಸಂಪುಟ ಸಭೆಯಲ್ಲೂ ಈ ಬಗ್ಗೆ ಚರ್ಚೆ ನಡೆದಿದ್ದು, ಸ್ಮಾರ್ಟ್​ ಕಾರ್ಡ್​ ವಿತರಣೆಗೆ ಗ್ರೀನ್ ಸಿಗ್ನಲ್ ನೀಡಲಾಗಿದೆ ಎಂದು ತಿಳಿದು ಬಂದಿದೆ.